أعلن النادي عبر الصفحة الرسمية طلب العروض لمزود المعدات الرياضية للمواسم القادمة. والمحبين فرحو، اللي يحب على نايك واللي يحب على اديداس... وهذا طبيعي ومعقول أنه كل محب يتمنى أحسن حاجة لناديه.
لكن اللي ما يعرفوش جمهورنا العزيز أنه الفريق اللي حضر طلب العروض هذا لغّمه بشروط مجحفة وتعجيزية حيث طلب من المزودين دفع مبلغ مالي قدره 400 ألف أورو و توفير معدات رياضية بقيمة 400 ألف أورو أخرى… يعني قيمة جملية ب 800 ألف أورو ما يعادل 2,8 مليون دينار…
كيف تشوف مرابيح المغازة 800 ألف دينار شكون المزود اللي بعقلو اللي بش يرضى يدفع 2,8 مليون دينار
إذا المزود بش يربح 30 دينار في المريول يلزم يبيع قريب ال 100 ألف مريول بش ما يخسرش علما واأننا ما نبيعوش 20 الف مريول في العام السنوات الفارطة
بالطبيعة نتيجة الشروط المجحفة هذه أننا لن نجد أي مزود و"سنظطر" إلى التعويل على العلامة الخاصة بالنادي Lefri9i Brand التي تمثل كابوس للأحباء من قلة الجودة ورداءة التصميم…
والمشكل الأكبر في Lefri9i Brand هي سهولة التقليد، علما وأنه أحنا هكا وموش سالمين (عمرنا ما سمعنا بعدل منفذ عمل محضر لمحل يبيع في منتوج مقلد للنادي) واأضا البقاء تحت رحمة المصانع اللي بش تصنعلنا…
وبالطبيعة كيف ماعندكش مزود رسمي ماكش بش تاخو حتا مليم لا فلوس ولا تجهيزات في وقت اللي في أسوأ الحالات كنا ناخذو في 800 الف دينار تجهيزات في الموسم ....
و أخيرا فريق عمل فشل في التفاوض و التعامل مع المزود السابق موش معقول أنه يأخد فرصة جديدة باش يحط الشروط و يخدم الملف الجديد و يتعامل مع مزود جديد
فريق عمل جديد وطلب عروض جديد من المطالب المتكررة لجماهير النادي الافريقي
Enregistrer un commentaire